18 comidas

Como xa vos avisei na clase, o día 25 visitaranos a produtora Fernanda del Nido, unha das profesionais mais interesantes do cinema en Galicia e propietaria da produtora Tic-Tac- Podedes consultar a web aquí. Hoxe na TVG poñen o seu filme multipremiado en varios festivais "18 comidas", unha película que se rodou sen guión previo, mediante a improvisación dos actores e o director, Jorge Coira. Deberíades de vela para que podamos ter un coloquio interesante coa súa "artífice".. Aquí tedes o seu trailer 

O carro e o home

Cando vos enviei o arquivo "Documentais", tiven un despiste e esquencime de poñer unha ligazón ao que se considera como un dos mellores documentais galegos de etnografía ou historia de Galicia. Un bó documental parte sempre dun conflito e o labor do creador é poñelo en evidencia e amosalo ao mundo. Mais tamén falamos do "documental poeta" que reinterpreta a realidade segundo a subxectividade do autor. Neste caso, asistimos a recreación dun "mundo perdido" -como as Fragas do Eume- que se agocha nas marabillosas e líricas imaxes desta "Biografía do carro" de gran valor estético e tamén emocional, filmado no verán de 1940 en Lobeira (Ourense). Botádelle un ollo, - son 10 minutiños de nada- sobre todo para refrescar a miña teima sobre o coidado no encadre e a composición. Deberíades de velo enteiro ata ise incrible plano final que semella sair dun filme de John Ford.

O Carro e o Home from Matugeno on Vimeo.

O pioneiro do cinema en Galicia

Dende hai anos ando na percura de pistas sobre a vida e obra do pioneiro do cinema en Galicia, José Gil.  @s que me coñecen ben  saben da miña teima sobre o personaxe, do que levo escrito  e falado dabondo en foros e publicacións diversas. Hoxe sae no xornal “El Pais” un artigo sintético sobre o grande fotógrafo e cineasta José Gil sustentado por  unha  entrevista que me fixeron a semán pasada. Considero que calquera creador audiovisual galego –e mais sendo alumnos de cultura audiovisual-  debería coñecer o seu nome e traxectoria, por iso traigo aquí a ligazón da do xornal, para que a leades..